Халқаро лойиҳани амалга ошириш доирасидаги тадбирлар

Бош прокуратура Академияси томонидан Швециянинг Лунд университети Ҳуқуқ социологияси депатраменти билан ҳамкорликда “Ўзбекистонда маъмурий ҳуқуқ ислоҳоти ва ҳуқуқий интеграция” мавзусида қўшма илмий-тадқиқот лойиҳаси амалга оширилмоқда.

Лойиҳанинг асосий мақсади Ўзбекистонда маъмурий ҳуқуқ соҳасида амалга оширилаётган кенг кўламли ислоҳотларни, маъмурий ҳуқуқнинг фуқаролар ва жамият ўртасидаги муносабатларга бўлган таъсирини ҳамда фуқаролар ҳуқуқий онги ва ҳуқуқий маданиятининг одил судловни амалга оширишдаги ролини тадқиқ этишдан иборатдир.

Тадқиқот лойиҳасини амалга ошириш мақсадида, Лунд университети доценти Р.Уринбоев ва Манчестер университети профессори К.Торнхил Академияга ташриф буюрди.

Хорижий экспертлар томонидан Академия профессор-ўқитувчилари ва тадқиқотчилари учун бир қатор тадбирлар, хусусан, ўқув тренинглари, давра суҳбатлари, шунингдек маъмурий ва конституциявий ҳуқуқ соҳасидаги мутахассислар билан учрашувлар ташкил этилди.

Шунингдек, мамлакатимизда маъмурий-ҳуқуқий соҳада амалга оширилаётган ислоҳотлар билан яқиндан танишиш мақсадида, тадқиқот гуруҳи Ўзбекистон Републикаси Судьялар олий кенгаши, Судялар олий мактаби, Тошкент туманлараро маъмурий суди ва Тошкент шаҳар маъмурий суди ҳамда Яккасарой тумани давлат хизматлари марказига ташриф буюрди.