Диссертация ҳимояси бўлиб ўтди

Бош прокуратураси Академияси ҳузуридаги илмий даражалар берувчи Илмий кенгашнинг йиғилишида Академия мустақил изланувчиси М.Тошовнинг 12.00.05 ихтисослиги бўйича тайёрлаган “Ходимнинг айбига боғлиқ бўлмаган асосларга кўра иш берувчи ташаббуси билан меҳнат шартномасини бекор қилиш” мавзусидаги диссертацияси ҳимояси бўлиб ўтди.

Юридик фанлар бўйича фалсафа доктори (PhD) илмий даражасини олиш учун тайёрланган ушбу диссертация доирасида Ўзбекистон Республикасида ва хорижий мамлакатларда ходимнинг айбига боғлиқ бўлмаган асосларга кўра иш берувчи ташаббуси билан меҳнат шартномасининг бекор қилинишига боғлиқ муносабатлар ўрганилган ва уларнинг ҳуқуқий тартибга солинишидаги муаммоларни ҳал қилишга қаратилган таклиф ва тавсиялар ишлаб чиқилган.

Муҳокамалар натижаларига кўра Илмий кенгаш аъзолари томонидан мазкур илмий иш бир овоздан ижобий баҳоланиб, М.Тошовнинг диссертацияси тугалланган деб топилди ва юридик фанлари бўйича фалсафа доктори (PhD) илмий даражасини бериш юзасидан Вазирлар Маҳкамаси ҳузуридаги Олий аттестация комиссиясига ҳужжатларни тақдим этиш юзасидан қарор қабул қилинди.

Академия жамоаси М.Тошовни диссертациянинг муваффақиятли ҳимояси билан табриклайди ва келгусидаги илмий ва касбий фаолиятида улкан зафарлар тилайди.