Ҳуқуқ соҳасида ҳужжатларни тайёрлаш ва тадқиқотлар ўтказиш кўникмаларини такомиллаштириш

Ҳуқуқий ислоҳотлар бўйича USAID дастури кўмагида Академияда Сиэтл университетининг Ҳуқуқ мактаби профессори Лорэл Оутс (АҚШ) иштирокидаги “Ҳуқуқ соҳасида ҳужжатларни тайёрлаш ва тадқиқотлар ўтказиш кўникмаларини такомиллаштириш” мавзусидаги уч кунлик семинар-тренинг якунига етди.

Ташкил этилган тадбир Академия ходимлари, докторантлари ва мустақил изланувчиларининг илмий-тадқиқот ва таҳлилий кўникмаларини оширишга йўналтирилган.

Семинар-тренинг аудиториянинг фаол жалб қилиниши, темактик гуруҳларга бўлиниши ва бошқа замонавий ёндашувлардан фойдаланиши орқали интерфаол шаклда ўтказилди. Тадбир якунида Лорэл Оутс иштирокчиларнинг саволларига батафсил жавоблар берди.

Ушбу тадбир Бош прокуратура Академиясида доимий асосда йўлга қўйилган халқаро мутахассисларни жалб қилишнинг тизимли жараёнининг давомидир.

Ўтказилган семинар-тренинг якуни бўйича иштирокчиларга тегишли сертификатлар топширилди.