Мажбурий ижро бюросининг туман (шаҳар) бўлим бошлиқлари ўринбосарларининг малака ошириш курслари якунланди

Бош прокуратура Академиясида Бош прокуратура ҳузуридаги Мажбурий ижро бюроси ходимлари иштирокида тизимли равишда малака ошириш курслари ўтказилиб келинмоқда. 

Хусусан, 2020 йилнинг 21 августида Бош прокуратура ҳузуридаги Мажбурий ижро бюросининг туман (шаҳар) бўлим бошлиқлари ўринбосарларининг иштирокидаги масофавий таълим орқали малака ошириш курслари якунланди.

Дастурга асосан Вазирлар Маҳкамасининг 200-сонли қарор талабларини амалиётга тўғри татбиқ этилишини таъминлаш, мулкий хусусиятга эга бўлмаган низолар бўйича шунингдек, ижрога келиб тушган ижро ҳужжатларининг ижроси билан боғлиқ мавжуд муаммолар ва камчиликларни бартараф этишга қаратилган процессуал ҳужжатларни тайёрлаш ҳамда суд ҳужжатлари ва бошқа органлар ҳужжатларини ижро этиш ва Бюронинг бошқа фаолият йўналишларида маъмурий ҳуқуқбузарликларни кўриб чиқишга доир машғулотлар ўтказилди.

Малака ошириш курслари давомида тингловчилар ўзларининг амалий фаолиятларида келиб чиқаётган муаммоли вазиятларни таҳлил қилиб, Академия профессор-ўқитувчилари томонидан тегишли касбий ҳуқуқий тушунтиришлар берилди.

Тингловчиларнинг келгусида малака ошириш курсларини самарали ташкил этиш юзасидан фикр-мулоҳазалари ўрганилди.

Ўқув машғулотлари якуни бўйича тингловчиларга сертификатлар топширилди.