Жаҳон банки делегацияси билан коррупцияга қарши курашиш соҳасидаги ҳамкорлик истиқболлари муҳокама қилинди

Бош прокуратура Академиясида Жаҳон банки миссиясининг Ўзбекистон Республикасида коррупцияга қарши курашиш институционал салоҳиятини кучайтириш дастури доирасида лойиҳа раҳбари, бошқарув масалалари бўйича катта мутахассис Даниэла Фелькман ҳамда ҳалоллик ва коррупцияга қарши курашиш масалалари бўйича эксперти Дмитро Котляр билан учрашув бўлиб ўтди.

Жаҳон банки вакилларига Академиянинг коррупцияга қарши курашиш соҳасидаги фаолияти, давлат органлари ва бошқа ташкилотлар ходимларини коррупцияга қарши курашиш соҳасида малакасини ошириш юзасидан амалга оширилаётган ишлар ва лойиҳалар, шунингдек бу йўналишдаги истиқболли режалар тўғрисида маълумот берилди.

Томонлар ўзаро ҳамкорликни янада ривожлантириш ва Академиянинг коррупцияга қарши курашиш борасидаги салоҳиятини оширишга қаратилган аниқ чора-тадбирлар бўйича келишиб олдилар.