Манфаатлар тўқнашувининг олдини олиш ва тартибга солиш масалалари бўйича навбатдаги тренинг

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида “Давлат хизматида манфаатлар тўқнашувининг олдини олиш ва тартибга солиш” мавзусидаги тренинг бўлиб ўтди.

Тренинг Бош прокуратура Академиясининг Коррупцияга қарши курашиш илмий-таълим маркази катта прокурори Х.Турсунбеков томонидан ўтказилди. Тадбирда Агентлик марказий аппарати ходимлари, шунингдек ҳудудий бошқарма раҳбарлари онлайн тарзда иштирок этди.

Тренинг иштирокчилари манфаатлар тўқнашуви турлари, унинг оқибатлари, давлат хизматида манфаатлар тўқнашувини бартараф этишнинг ҳуқуқий асослари ва амалий жиҳатлари ҳақида маълумотга эга бўлдилар.

Интерфаол тарзда ўтказилган мазкур тадбирда иштирокчилар манфаатлар тўқнашувининг олдини олиш ва уни тартибга солиш бўйича фаолиятни ташкил этиш борасида ўзларини қизиқтирган саволларига батафсил жавоб олдилар. Ташкилотчилар шу каби тренингларни тизимли равишда ўтказиш заруратини эътироф этишди.