Академия профессор-ўқитувчилари учун семинар-тренинг ташкил этилди

Бош прокуратура Академияси томонидан профессор-ўқитувчиларнинг касбий маҳоратини ошириш, илмий-таълим жараёнига инновацион технологиялар ва методикаларни жорий этиш борасида тизимли ишлар олиб борилмоқда.

Академия профессор-ўқитувчиларининг педагогика, андрагогика ва ўқитиш методикаси соҳасидаги ҳамда илмий-тадқиқот фаолиятини амалга ошириш борасидаги билим ва кўникмаларини шакллантириш ва ривожлантириш мақсадида «Касбий мотивацияни ривожлантириш» мавзусида семинар-тренинг ташкил этилди.

Мазкур тренинг Академия профессор-ўқитувчиларининг таълим дастурларини тайёрлаш ва амалга ошириш, ўқитишнинг самарали усулларини жорий этиш, ўқув жараёнини режалаштириш ва ташкил этиш, умуман олганда касбий маҳоратларини ривожлантириш борасидаги салоҳиятини мустаҳкамлашга хизмат қилади.