“Энергия ресурсларидан фойдаланишни назорат қилиш” мавзусида электив курс бошланди

Бош прокуратура Академиясида “Энергия ресурсларидан фойдаланишни назорат қилиш” мавзусида электив курс ишлаб чиқилди ва йўлга қўйилди.

Электив курс энергия ресурслари ва ичимлик сувини талон-торож қилиш механизмларини аниқлаш ва фош этиш борасида Бош прокуратура ҳузуридаги Иқтисодий жиноятларга қарши курашиш департаментининг раҳбар, тезкор ходимлари, суриштирувчилари, шунингдек, бошқа ҳуқуқни муҳофаза қилувчи органлар ходимлари учун мўлжалланган.

Курс дастури энергия ресурслари ва ичимлик сувини талон-торож қилиш механизмларини аниқлаш, бу соҳадаги тезкор-қидирув органлари ходимлари фаолияти, талон-торож қилинган энергия ресурслари ва ичимлик суви миқдорини аниқлаш ҳамда ушбу ҳуқуқбузарликларни фош этиш усуллари каби долзарб масалаларни ўз ичига олган.