Манфаатлар тўқнашувининг олдини олиш ва тартибга солиш масалалари бўйича навбатдаги давра суҳбати

Жорий йилнинг 7 октябрь куни Ўзбекистон Республикаси Ўсимликлар карантини ва ҳимояси агентлигида “Давлат хизматида манфаатлар тўқнашувининг олдини олиш ва тартибга солиш” мавзусидаги аралаш шаклидаги давра суҳбати бўлиб ўтди.

Тадбирда Агентлик марказий аппарати бошқарма ва бўлим бошлиқлари, шунингдек ҳудудий бошқармаларнинг жами мингга яқин ходимлари иштирок этди. Унда Бош прокуратура Академияси Коррупцияга қарши курашиш илмий-таълим маркази катта прокурори Х.Турсунбеков “Давлат хизматида манфаатлар тўқнашуви: моҳияти, юзага келиш сабаблари, тартибга солиш масалалари” номли  маъруза билан чиқиш қилди.

Давра суҳбати иштирокчиларига манфаатлар тўқнашуви турлари, унинг оқибатлари, давлат хизматида манфаатлар тўқнашувини бартараф этишнинг ҳуқуқий асослари ва амалий жиҳатлари ҳақида батафсил маълумот берилди.