Одам савдосига қарши курашиш ва мажбурий меҳнатни олдини олиш соҳасидаги қонунлар ижросини назорат қилиш бўйича ўқув курси бошланди

Академияда туман (шаҳар) прокурорларининг ички ишлар органларида ҳамда ижтимоий ва иқтисодий соҳалардаги қонунчилик ижроси устидан назорат бўйича ўринбосарлари ва ёрдамчилари иштирокида “Мажбурий меҳнат ва одам савдосига қарши курашишга оид қонун бузилиши ҳолатларини аниқлаш, ҳужжатларни расмийлаштириш ҳамда ҳуқуқбузарларнинг ҳаракатларига ҳуқуқий баҳо бериш масалалари” мавзусидаги масофавий малака ошириш курси  бошланди.

Курс дастури тингловчиларнинг таълимга бўлган эҳтиёжини инобатга олган ҳолда тузилган ва амалдаги қонун ҳужжатларига киритилган сўнгги ўзгартишлар, амалиётда юзага келаётган тизимли муаммо ва камчиликлар таҳлилини ҳамда меҳнат ва одам савдосига қарши курашиш соҳасидаги қонунчилик ижроси устидан прокурор назоратини амалга оширишнинг бошқа долзарб масалаларини ўз ичига олган.

Ўқув жараёни бошланишига тайёргарлик кўриш доирасида тингловчилар учун мазкур курснинг ташкилий масалаларига, масофавий курсни ўташ ва амалий топшириқларни бажариш тартибига бағишланган аудиоконференцалоқа  тарзида  семинар  ташкил  этилди.