Бош прокуратура Академияси фаолиятини рақамлаштиришнинг янги босқичи

Тингловчиларнинг малакасини ошириш ҳамда ўқитиш жараёнида объективлик ва шаффофликни таъминлашга қаратилган янги рақамли технологияларни жорий этиш Академияни ривожлантириш Стратегиясининг асосий йўналишлардан бири бўлиб ҳисобланади.

Шу билан бирга, фаолиятга рақамли техонология маҳсулотларини кенг жорий этиш нафақат жараённи автоматлаштириш, балки инсон омилини истисно этиш ҳамда коррупциянинг олдини олишга кўмаклашади.

Бош прокуратуранинг Ахборот-коммуникация технологияларини жорий этиш ва ахборот хавфсизлигини таъминлаш бошқармаси кўмагида ишлаб чиқилган “Имтиҳон” автоматик информацион тизими (АИТ) шу турдаги янги маҳсулотлардан бири бўлиб ҳисобланади. 

“Имтиҳон” АИТ имтиҳонларни ўтказиш жараёнини автоматлаштириш, имтиҳон билетларини генерация қилиш, тайёргарлик вақтини қайд этиш, якуний имтиҳон баённомасини шакллантиришга мўлжалланган бўлиб, шу билан бирга маълумотлар базасига ўтказилган имтиҳонлар ҳақидаги маълумотларни киритиб боради.

Жорий йилнинг 21 август куни Академиянинг Ўқув жараёнини ташкил этиш ва назорат қилиш бўлими билан ҳамкорликда “Имтиҳон” АИТнинг тақдимоти ҳамда синов тариқасида амалиётга жорий этиш жараёни бўлиб ўтди.