Халқаро экспертлар иштирокида “Шахсий эркинлик ва дахлсизлик ҳуқуқи” мавзусида ўқув курс бошланди

Бош прокуратура Академияси “Инсон ҳуқуқларига оид халқаро ҳуқуқ” магистратура дастури доирасида “Шахсий эркинлик ва дахлсизлик ҳуқуқи” мавзусидаги ўқув модули бошланди.

Модуль доирасидаги ўқув машғулотлари хорижий таълим ва академик муассасаларининг етакчи халқаро экспертлари, жумладан, Рауль Валленберг (Швеция) номидаги Инсон ҳуқуқлари ва гуманитар ҳуқуқ институти профессори, доктор Олоф Бекман томонидан олиб борилмоқда.

Ўқув машғулотлари шахсларни, шу жумладан вояга етмаганларни ва айрим шахсларни (аёллар, ногиронлар ва бошқалар) судгача бўлган босқичда қамоққа олиш ва қамоқда сақлашга оид халқаро ҳужжатлар, халқаро стандартларни қўллаш, қийноқларга қарши курашиш, етказилган зарарни қоплаш, юрисдикция ва бошқа долзарб масалалар бўйича тингловчиларнинг касбий билим ва кўникмаларини оширишга қаратилган.

Тингловчиларнинг маърузавий машғулотлар жараёнида ўзлаштирган назарий билимларини қўллаш бўйича амалий кўникмаларини шакллантирувчи имитацион машғулотларининг ўтказилиши курснинг амалий аҳамиятини янада оширади.