“Қонун – устувор, жазо – муқаррар” мавзусида республика илмий-амалий конференцияси бўлиб ўтди

Ўзбекистон Республикаси Бош прокуратураси Академиясида 2022 йилнинг 27 октябрь куни “Қонун – устувор,  жазо – муқаррар” мавзусида республика илмий-амалий анжуман ўтказилди.

Ўзбекистон Республикаси Президентининг “2022–2026 йилларга мўлжалланган Янги Ўзбекистоннинг Тараққиёт стратегияси тўғрисида”ги Фармони билан тасдиқланган мақсад ва вазифалардан келиб чиқиб, ўтказилган илмий-амалий анжуманда Бош прокуратура ходимлари, Ўзбекистон Республикаси Олий суди судьялари, Ўзбекистон Республикаси Жамоат хавфсизлиги университети, Судьялар олий мактаби, Юристлар малакасини ошириш маркази, Тошкент давлат юридик университети, Ички ишлар вазирлиги Академияси вакиллари, Бош прокуратура Академияси профессор-ўқитувчилари, шунингдек жойлардаги прокуратура органлари ходимлари иштирок этди.

Мазкур анжуманда Тараққиёт стратериясида белгилан қонун устуворлигини таъминлашда прокуратура органлари ва судларнинг бирламчи вазифалари, бу борада таълим ва илмий-тадқиқот муассасаларининг ўрни, шунингдек қонунчиликка киритилаётган ўзгартириш ва қўшимчаларни мазмун-моҳиятини кенг муҳокама қилинди.

Анжуман иштирокчилари прокуратура органлари томонидан қонунларнинг аниқ ва бир хилда ижро этилиши устидан назоратни амалга оширишда давлат ва жамоатчилик назоратини ўзаро уйғунлаштирувчи янги тизим жорий этиш, прокуратура органлари фаолияти ошкоралигини ва унинг жамият олдида ҳисобдорлигини таъминлаш, прокуратура тизими бошқарувида коллегиал органлар ролини кучайтириш борасида фикр алмашдилар.