Ўзбекистон Республикасида суд қарорлари ижросининг қонунийлигини таъминлаш масалалари муҳокама қилинди

Жорий йилнинг 28 октябрь куни Бош прокуратура Академиясида “Инсон ҳуқуқ ва эркинликларини таъминлашда суд қарорлари ижросининг қонунийлигини таъминлаш масалалари” мавзусида давра суҳбати бўлиб ўтди.

Тадбирда Бош прокуратура, Ички ишлар вазирлиги ходимлари шунингдек, Бош прокуратура, ИИВ Академиялари, шунингдек Тошкент давлат юридик университети ходимлари ва тингловчилари иштирок этишди.

Давра суҳбати давомида бугунги кунда фуқароларнинг ҳуқуқ ва эркинликларини таъминлаш мақсадида суд ҳужжатлари ва бошқа орган ҳужжатларини ижро этишда қонунийликни таъминлаш масалалари, жиноят-ижроия қонунчилигини такомиллаштириш, пенитенциар тизимда халқаро стандартларни жорий этиш ҳамда пробация хизмати фаолиятини ривожлантириш масалалари муҳокама қилинди.

Шунингдек, ҳозирда амалиётда суд қарорлари ижроси амалиёти билан боғлиқ долзарб муоммолар атрофлича кўриб чиқилиб, мазкур соҳада ягона ҳуқуқни қўллаш амалиётини шакллантириш борасидаги фаолиятни янада такомиллаштириш бўйича тегишли таклиф ва тавсиялар ишлаб чиқилди.   

Тадбир якунида иштирокчилар томонидан суд қарорлари ижросининг қонунийлигини таъминлаш борасидаги прокурор назорати самарадорлигини ошириш ҳамда ижро соҳасидаги норматив-ҳуқуқий ҳужжатлар базани янада такомиллаштириш масалалари бугунги суд-ҳуқуқ ислоҳотлари жараёнида энг муҳим устувор йўналишларидан бири эканлиги алоҳида таъкидланди.