Прокуратура терговчилари ва Иқтисодий жиноятларга қарши курашиш департаменти ходимлари учун малака ошириш курси бўлиб ўтмоқда

Бош прокуратура Академиясида туман (шаҳар) прокуратуралари терговчилари ҳамда Иқтисодий жиноятларга қарши курашиш департаменти туман (шаҳар) бўлимларининг тезкор ходимлари учун “Жиноий фаолиятдан олинган даромадларни легаллаштиришга ва терроризмни молиялаштиришга қарши курашишнинг долзарб масалалари” мавзусида малака ошириш курси бўлиб ўтмоқда. 

Малака ошириш курси аралаш таълим шаклида ташкил этилган ва 6 ҳафта давомида ишдан ажралмаган ҳолда масофавий таълим ҳамда 2 ҳафта давомида эса Академияда кундузги таълим шаклида ўқитишни назарда тутган.

Ўқув курси дастуридан жиноий фаолиятдан олинган даромадларни легаллаштиришга ва терроризмни молиялаштиришга қарши курашишнинг ҳалқаро ва миллий тизимини, ушбу жиноятларга қарши курашишни ташкил этиш, ноқонуний даромадларни аниқлаш бўйича молиявий тергов олиб бориш, ҳуқуқни муҳофаза қилувчи органлар ўртасида идоравий ҳамкорликни ўрнатиш, ноқонуний даромадларни аниқлаш ҳамда мусодара қилинишини таъмилашда Иқтисодий жиноятлорга қарши курашиш департаменти имкониятларидан самарали фойдаланиш масалалари бўйича назарий ва амалий машғулотлар ўрин олган. 

Ўқув машғулотларига Академия профессор-ўқитувчилари билан бир қаторда Департаментнинг тажрибали мутахассислари жалб қилинган.