Илмий салоҳиятни ошириш бўйича чоралар

Ўзбекистон Республикаси Бош прокуратураси Академиясининг илмий салоҳиятини босқичма-босқич ошириб бориш долзарб вазифалардан бири ҳисобланади.

Ўзбекистон Республикаси Миллий гвардияси Ҳарбий-техник институти ҳузуридаги Илмий даражалар берувчи Илмий кенгаши мажлисида Академия марказ бошлиғи Н.Асқаровнинг 12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ ихтисослигида “Номланмаган шартномаларни фуқаролик ҳуқуқий тартибга солишнинг назарий ва амалий муаммолари” мавзусидаги юридик фанлар бўйича фалсафа доктори (PhD) илмий даражасини олиш учун тайёрланган диссертациясининг ҳимояси бўлиб ўтди.

Илмий кенгаш аъзолари бир овоздан талабгорнинг юридик фанлар бўйича фалсафа доктори (PhD) илмий даражасини олишига овоз бердилар.

Академия жамоаси Н.Асқаровни диссертацияни муваффақиятли ҳимоя қилганлиги билан табриклайди!