Иқтисодий жиноятларга қарши курашиш департаменти ходимлари учун малака ошириш курси бошланди

Бош прокуратура Академиясида Бош прокуратура ҳузуридаги Иқтисодий жиноятларга қарши курашиш департаментининг инспекторлари учун “Энергия ресурсларидан фойдаланишни назорат қилиш” мавзусида малака ошириш курси бошланди. 

Малака ошириш курси аралаш таълим шаклида ташкил этилган бўлиб, тингловчилар масофавий таълим якуни бўйича Академияда кундузги таълим шаклида ўқитишни давом эттирадилар.

Ўқув курси дастуридан электр, иссиқлик, газ ва ичимлик суви тармоқларига ноқонуний уланиш схемаларини аниқлаш бўйича тезкор тадбирлар ва текширувларни ташкил этиш, уларни бартараф этиш усуллари, жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари бўйича назарий ва амалий машғулотлар ўрин олган. 

Ўқув машғулотларига Академия профессор-ўқитувчилари билан бир қаторда Департамент ҳамда тегишли вазирлик ва идораларнинг тажрибали мутахассислари жалб қилинган.