Департаментнинг жамоатчилик билан алоқалар бўйича ходимлари учун малака ошириш курси ташкил этилди

Академияда Бош прокуратура ҳузуридаги Иқтисодий жиноятларга қарши курашиш департаментининг жамоатчилик билан алоқалар ва ҳуқуқий ахборот тармоғи ходимлари учун малака ошириш курси бошланди.

Мазкур малака ошириш курсининг мақсади тингловчиларнинг жорий ахборот тўплаш, уни қайта ишлаш ва таҳлил қилиш, шунингдек, оммага етказиш бўйича касбий маҳоратини оширишдан иборат.

Курс жараёнида тингловчиларда негатив ва фейк ахборот билан ишлаш, контент стратегия ва контент режани шакллантириш, юридик риторика ва креатив PR инструментларни билиш, «SMART» мақсадларни шакллантириш, стрессли ҳолатларда ўзини тутиш қоидалари бўйича кўникмалар шакллантирилади.

Тренерлар сифатида ўқув машғулотларига таниқли журналистлар, блогерлар,  соҳанинг бошқа мутахассислари ҳамда Бош прокуратура Академиясининг профессор-ўқитувчилари жалб қилиндилар.

Курс давомида маданий дастур ҳам назарда тутилган бўлиб, унда тингловчиларнинг музей, театр ва бошқа маданий тадбирларга жалб қилиниши режалаштирилган.

Малака ошириш курси сўнгида тингловчиларга сертификатлар топширилади.