Инсон ҳуқуқлари соҳасида таълим бўйича Европа Кенгаши/Европа Иттифоқининг Марказий Осиё билан ҳамкорлик лойиҳаси вакиллари билан учрашув

Ўзбекистон Республикасининг Инсон ҳуқуқлари бўйича Миллий стратегиясини амалга ошириш доирасида Академия HELP (Human Rights Education for Legal Professionals) – юридик касб вакиллари учун инсон ҳуқуқлари соҳасида таълим бўйича Европа Кенгаши/Европа Иттифоқининг Марказий Осиё билан ҳамкорлик лойиҳасида иштирок этмоқда.

HELP лойиҳаси Марказий Осиёда инсон ҳуқуқлари соҳасидаги халқаро стандартларни тушуниш ва самарали жорий этиш мақсадида Европа Кенгашининг ҳуқуқий воситалари тўғрисида хабардорликни оширишга кўмаклашади. Ушбу мақсадга эришиш мақсадида лойиҳа юридик касб вакиллари  учун инсон ҳуқуқлари соҳасида Европа ўқув дастурининг (HELP) методологиясидан фойдаланилади.

Шу муносабат билан Бош прокуратура Академиясида HELP дастури вакиллари К.Хохлова ва С.Дикман билан учрашув бўлиб ўтди.

Учрашувда инсон ҳуқуқлари соҳасида Академиянинг таълим салоҳиятини мустаҳкамлаш, қўшма тадбир ва лойиҳаларни ташкил этиш, масофавий таълим имкониятларини кенгайтириш ва таълим дастурлари самарадорлигини баҳолаш масалалари бўйича ҳамкорлик истиқболлари муҳокама қилинди.