Департаментнинг жамоатчилик билан алоқалар бўйича ходимлари учун малака ошириш курси якунланди

Академияда Бош прокуратура ҳузуридаги Иқтисодий жиноятларга қарши курашиш департаментининг жамоатчилик билан алоқалар ва ҳуқуқий ахборот тармоғи ходимлари учун малака ошириш курси якунланди.

Мазкур малака ошириш курси дастури жамоатчилик билан алоқалар бўйича фаолиятни самарали ташкил этишнинг долзарб масалаларини ўз ичига олган ҳамда тингловчиларнинг ахборот тўплаш, уни қайта ишлаш ва таҳлил қилиш, шунингдек, оммага етказиш бўйича касбий маҳоратини оширишга йўналтирилган.

Хусусан, негатив ва фейк ахборот билан ишлашнинг ёндашув ва усуллари, контент стратегия ва контент режани тайёрлаш, юридик риторика ва креатив PR инструментларни билиш, «SMART» мақсадларни шакллантириш масалалари, стрессли ҳолатларда ўзини тутиш қоидалари кўриб чиқилди.

Ўқув машғулотлари Академиянинг профессор-ўқитувчилари ҳамда таниқли журналистлар, блогерлар, соҳанинг бошқа мутахассислари томонидан ўтказилди.

Курс давомида маданий дастур ҳам назарда тутилган бўлиб, унда тингловчилар музейлар, театрлар ва бошқа маданий тадбирларга жалб қилиндилар.

Малака ошириш курси сўнгида якуний имтиҳон ўтказилди ҳамда тингловчиларга сертификатлар топширилди.