Аграр ва озиқ-овқат соҳаларини ривожлантиришга оид қонун ҳужжатлари ижросини назорат қилиш масалалари бўйича малака ошириш курси якунланди

Бош прокуратура Академиясида аграр ва озиқ-овқат соҳаларини ривожлантиришга оид қонун ҳужжатлари ижросини назорат қилувчи туман (шаҳар) прокурори ёрдамчиларининг малакасини ошириш курси якунланди.

Курс аралаш форматда ташкил этилган бўлиб, тингловчилар аудитория машғулотларида масофавий таълим жараёнида ўзлаштирилган ўқув материалини мустаҳкамлаш имкониятига эга бўлган ҳолда Академияда таҳсил олишди.

Курс доирасида Академия профессор-ўқитувчилари томонидан тингловчиларга қонунчиликдаги янгиликлар, ҳуқуқни қўллаш амалиётидаги тизимли муаммо ва камчиликлар, уларни бартараф этиш йўллари ҳамда аграр ва озиқ-овқат соҳаларида қонун ҳужжатлари ижроси устидан прокурор назоратининг бошқа долзарб масалалари бўйича ўқув машғулотлари ўтказилди.

Малака ошириш курси доирасида эгалланган кўникмалар қишлоқ хўжалиги мақсадларида ер участкаларини ажратиш, сув ва гидротехника иншоотларидан сақлаш ва фойдаланиш, чорвачилик ва наслчилик, мева-сабзавотчилик ва полизчилик соҳасига оид қонунчилик ижроси устидан назорат бўйича прокурор фаолиятини  такомиллаштиришга хизмат қилади.