Латвия делегацияси ва Германия халқаро ҳамкорлик жамияти (GIZ) ташрифи

22 ноябрь куни Латвия Республикасининг Ўзбекистондаги Фавқулодда ва мухтор элчиси жаноб Р.Трошки бошчилигидаги делегация ҳамда Германия халқаро ҳамкорлик жамияти (GIZ) ваколатхонасининг Самарали бошқарув дастури раҳбари ташриф буюрди.

Учрашув давомида меҳмонлар Академиянинг асосий фаолияти билан яқиндан танишдилар. Коррупцияга қарши курашиш йўналишида амалга оширилаётган ишларга алоҳида эътибор қаратилди. Академия фаолиятининг мазкур соҳадаги ўзига хос жиҳатлари ва устувор йўналишлари бўйича маълумот берилди.

Учрашув якунида томонлар ўзаро манфаатли йўналишларда ҳамкорлик қилиш ва ёрдам кўрсатишга келишиб олдилар.