Ижтимоий-иқтисодий соҳадаги қонунчилик ижроси устидан назорат бўйича малака ошириш курси якунланди

Бош прокуратура Академиясида ижтимоий-иқтисодий қонунчилик ижроси устидан назорат йўналишида фаолият юритувчи прокуратура органлари ходимлари учун малака ошириш курслари ўз ниҳоясига этди.

Курс аралаш таълим форматида ташкил этилиб, унда тингловчилар ишдан ажралмаган ҳолда масофавий таълим олдилар ҳамда олинган билимларни мустаҳкамлаш мақсадида Бош прокуратура Академиясида кундузги таълим тарзида ўтказилган ўқув машғулотларида иштирок этдилар.

Курс доирасида Академия профессор-ўқитувчилари томонидан тингловчиларга қонунчиликдаги янгиликлар, ҳуқуқни қўллаш амалиётидаги тизимли муаммо ва камчиликлар, уларни бартараф этиш йўллари ҳамда ижтимоий-иқтисодий соҳаларда қонун ҳужжатлари ижроси устидан прокурор назоратининг йўналишлари бўйича ўқув машғулотлари ўтказилди.

Малака ошириш курси якунида тингловчилар томонидан қонунчилик бўйича ишлаб чиқилган таклифларнинг муҳокамаси тарзида якуний имтиҳон ўтказилди.