Халқаро қўшма илмий тадқиқот муҳокамаси

2022 йил 29 ноябрь куни “Қонун устуворлигини таъминлашнинг долзарб масалалари” мавзусида видеоконференция шаклидаги халқаро илмий-амалий онлайн семинар ўтказилди.

Ушбу семинар Ўзбекистон Республикаси Бош прокуратура Академияси ва Қозоғистон Республикаси Бош прокуратураси ҳузуридаги Ҳуқуқни муҳофаза қилиш органлари Академияси ўртасидаги ҳамкорлик бўйича чора-тадбирлар режасини амалга ошириш доирасида ташкиллаштирилди.

Семинар доирасида одил судлов соҳасидаги инсон ҳуқуқ ва эркинликларини таъминлаш, шунингдек коррупцияга қарши курашиш борасидаги масалалар қатнашчилар томонидан муҳокама қилинди.

Иштирокчилар коррупцияга қарши курашишнинг замонавий усулларининг ривожланиш тенденцияларини ўрганишга алоҳида эътибор қаратдилар. Бундан ташқари, ахборот хавфсизлигини таъминлаш ва ўзаро манфаатли масалалар бўйича тажриба алмашиш каби стратегик йўналишлар қатнашчилар томонидан кўриб чиқилди.

Тадбир якунида иштирокчилар ўртасида фикрлар алмашиниб, тақдим этилган маърузалар бўйича мунозаралар бўлиб ўтди.