“Муаммоли тингловчилар билан ишлаш” мавзусида семинар-тренинг бўлиб ўтди

Бош прокуратура Академияси томонидан профессор-ўқитувчиларнинг педагогик маҳоратини ошириш, таълим жараёнига инновацион технологиялар ва методикаларни жорий этиш борасида тизимли ишлар олиб борилмоқда.

Академияда Немис халқ университетлари ассоциациясининг Ўзбекистондаги филиали (DVV International) билан ҳамкорликда “Муаммоли тингловчилар билан ишлаш” мавзусида семинар-тренинг ўтказилди.

Тадбирда DVV International филиалининг лойиҳалар координатори Ҳ.Ҳакимжонова ва халқаро тоифадаги андрагог-тренер И.Исмаиловалар иштирок этиб, улар томонидан катта ёшдагилар таълимининг ўзига хос хусусиятлари, “муаммоли тингловчи”лар ва уларнинг турлари, ўқув машғулотлари жараёнида юзага келадиган муаммоли вазиятлар ва уларни бартараф этишнинг замонавий усуллари ҳамда бошқа шу каби инновацион таълим технологиялари тўғрисида батафсил тушунчалар берилди.

Тренингда иштирокчилар томонидан берилган саволларга батафсил жавоб берилиб, ушбу йўналишдаги муаммоларнинг аниқ ечимлари кўрсатиб берилди.

Келгусида бундай тадбирларни мунтазам ташкил этишга келишиб олинди.