Илмий тадқиқотларга қўйилган асосий талаблар

2022 йил 1 декабрь куни Бош прокуратура Академияси томонидан “Илмий тадқиқот ишларига қўйилган талаблар” мавзусида онлайн илмий семинар ўтказилди.

Семинарда Академия ва унинг ҳамкорлари – ТДЮУ, Жамоат хавфсизлиги университети, Инсон ҳуқуқлари миллий маркази, Судьялар олий мактаби, Чирчиқ олий танк қўмондонлик-муҳандислик билим юрти, Қуролли кучлар, ИИВ ва ФВВ Академияларининг докторантлари, мустақил изланувчилари ва магистратура тингловчилари қатнашди. Семинарда Академия бошлиғининг ўринбосари, юридик фанлар доктори, профессор М.М.Мамасиддиқов маъруза қилди.

“Фан соати” доирасида ўтказилган ушбу тадбирда илм-фанни ривожлантиришда назария ва амалиётнинг бир-бири билан узвий боғлаш масалалари, илмий тадқиқотнинг мақсад ва вазифаларини шакллантириш, объекти ва предметини белгилаш, унинг методлари бўйича батафсил маълумотлар берилди.

Тадбир баҳс-мунозараларга бой тарзда ўтиб, иштирокчилар ўзларининг қизиқтирган саволларига жавоб олдилар.