“Конституция – ҳаётимиз қомуси” мавзусида давра суҳбати бўлиб ўтди

2022 йил 2 декабрь куни Бош прокуратура Академиясида Ўзбекистон Республикаси Конституциясининг 30 йиллиги муносабати билан “Конституция – ҳаётимиз қомуси” мавзусида давра суҳбати бўлиб ўтди.

Мазкур тадбирда Конституциянинг мамлакатимиз ижтимоий-сиёсий ва иқтисодий ҳаётида тутган ўрни, қонун устуворлиги, юртимиз истиқболи ва халқимиз фаровонлигини таъминлашдаги роли, шунингдек, сўнгги йиларда Конституцияга киритилган ўзгартириш ва қўшимчаларнинг ислоҳотлар самарасини оширишдаги аҳамиятига доир масалалар муҳокама қилинди.   

Давра суҳбатида Ўзбекистон Республикаси Конституциявий суди, Олий суди, Адлия вазирлиги, Тошкент давлат юридик университети, Судьялар олий мактаби вакиллари, Жамоат хавфсизлиги университети, Ички ишлар вазирлиги Академияси, Бош прокуратура ходимлари, шунингдек, Академия профессор-ўқитувчилари ва тингловчилари иштирок этдилар.