Барқарор ривожланиш соҳасидаги миллий мақсад ва вазифаларнинг 16.3-банди ижроси доирасидаги давра суҳбатида иштирок этилди

Академия вакиллари Олий Мажлис Сенати Суд-ҳуқуқ масалалари ва коррупцияга қарши курашиш қўмитаси томонидан 2030 йилгача бўлган даврда барқарор ривожланиш соҳасидаги миллий мақсад ва вазифаларнинг 16.3-банди ижроси доирасида ташкил этилган “Одил судловни самарали таъминлаш” мавзусидаги давра суҳбатида иштирок этишди.

Тадбирда  мазкур йўналишда амалга оширилган ишлар ва улар билан жамоатчиликни яқиндан таништириш аҳволи таҳлил қилинди, белгиланган вазифаларнинг бажарилишида юзага келаётган муаммолар ечимини бартараф этиш масалалари муҳокама қилинди ва бу борада Ўзбекистон Республикасининг Инсон ҳуқуқлари бўйича Миллий маркази, Олий суд, Адлия вазирлиги, Бош прокуратура академияси, Ички ишлар вазирлиги ҳамда Маҳалла ва нуронийларни қўллаб-қувватлаш вазирлиги масъулларининг ҳисоботи эшитилди.

Бош прокуратура Академияси бошлиғи ўринбосари У.У.Нигмаджанов маъруза билан чиқиб, ушбу йўналишда прокуратура органлари зиммасига юклатилган вазифалар ижроси ҳақида иштирокчиларга маълумот берди.

Давра суҳбати якуни бўйича 2030 йилгача бўлган даврда барқарор ривожланиш соҳасидаги миллий мақсад ва вазифаларнинг 16.3-банди ижросини тегишли идоралар томонидан таъминлаш ишларини янада жадаллаштириш юзасидан қарор қабул қилиниб, масъул идораларнинг самарали ҳамкорлигини таъминлаш вазифалари белгилаб олинди.