Магистратура тингловчилари иштирокида “Заковат” интеллектуал ўйини ташкил этилди

Aкадемия томонидан  Олий ва ўрта махсус таълими вазирлиги ҳамда Ёшлар ишлари агентлиги  билан ҳамкорликда Талабалар ижтимоий-медиа маcканида Ўзбекистон Республикаси Конституцияси қабул қилинганининг 30 йиллиги муносабати муносабати билан “Заковат” интеллектуал ўйини ташкил этилди.

Интеллектуал ўйинда Aкадемия магистратурасининг “Прокурорлик фаолияти”, “Тергов фаолияти”, “Коррупцияга қарши курашиш”, “Инсон ҳуқуқларига оид халқаро ҳуқуқ” йўналишларида таҳсил олаётган тингловчилардан иборат 4 жамоа беллашди. Тадбирни “Заковат” интеллектуал ўйини асосчиси Aбдурасул Aбдуллаев олиб борди.

Бош прокуратура, Aкадемия, Олий ва ўрта махсус таълим вазирлиги ҳамда Ёшлар ишлари агентлиги вакиллари, шунингдек оммавий ахборот воситалари вакиллари мусобақани кузатиб боришди.

Ўйин аввалида сўз олганлар иштирокчиларни Конституциямиз қабул қилинганининг 30 йиллиги билан табриклаб, жорий йилда ушбу муҳим байрамга бағишлаб Академия магистратураси тингловчилари “Заковат” телеўйини сифатида ўтказишга бел боғлаганликлари уларнинг юқори даражадаги интеллектуал салоҳияти ҳамда миллий байрамларимизни нишонлашга бўлган ижодий ёндашувининг ёрқин намунаси эканлигини таъкидладилар.

Ушбу тадбир Aкадемия тингловчиларининг миллий қонунчилик ҳамда прокуратура ва бошқа ҳуқуқни муҳофаза қилувчи органлар фаолиятидан хабардорлик даражаси, шунингдек тингловчиларнинг тезкор ва мантиқий фикрлаш қобилиятини яна бир бор баҳолаш имконини берди.

Таниқли санъаткорлар иштирокидаги мусиқий дастур иштирокчиларнинг жамоавий руҳи ва байрам кайфиятини кўтаришга хизмат қилди.

Тадбир якунида ўйин ғолиблари ва фаол иштирок этган иштирокчилар махсус совға ҳамда фахрий ёрлиқлар билан тақдирланди.