Халқаро аксилкоррупция анжуманида иштирок этилди

Академия раҳбари ўринбосари Ўзбекистон Республикаси делегацияси таркибида “Коррупцияга барҳам бериш, демократик қадриятларни ҳимоя қилиш” мавзусидаги 20-халқаро аксилкоррупция анжуманида иштирок этмоқда.

Мазкур делегация таркиби Коррупцияга қарши курашиш агентлиги масъул ходимлари ҳамда Агентлик ҳузуридаги Жамоатчилик кенгаши аъзолари, Бош прокуратура, “Юксалиш” умуммиллий ҳаракати вакилларидан иборат. Делегациянинг иштироки INL бюроси кўмагида амалга оширилди.

Тадбир Transparency International ташкилоти ва АҚШ ҳукумати томонидан ташкил этилди.

Тадбир дастуридан 70 га яқин сессия, ялпи мажлис ва тор доирадаги учрашувлар ўрин олган.

Анжуманда 140 та давлатдан 2000 нафарга яқин иштирокчи қатнашишмоқда.

Ушбу глобал форум ҳар 2 йилда бир марта ўтказилади ва коррупцияга қарши курашиш соҳасида юзага келаётган муаммоларга ечим топиш мақсадида давлатлар, фуқаролик жамияти, хусусий сектор, академик доиралар ва ОАВ вакилларини бирлаштиради.

Анжуман сессиялари глобал хавфсизлик, ирқ ва иқлим, қора бозорлар, уюшган жиноятчилик ва жиноий даромадларни легаллаштириш, шунингдек, коррупцияга қарши курашишдаги таҳдидлар каби мавзуларда ўтказилмоқда.

Ташриф давомида Ўзбекистон вакиллари Давлат департаментининг Коррупцияга қарши кураш бўйича глобал координатори Ричард Нефю билан ҳам учрашди.

Учрашувда Ўзбекистонда коррупцияга қарши кураш соҳасидаги бугунги ислоҳотлар ва истиқболлар юзасидан фикр алмашилди.