Жаҳон банки миссияси билан коррупцияга қарши салоҳиятни мустаҳкамлаш масалалари муҳокама қилинди

Ҳуқуқни муҳафаза қилиш академиясида Академия раҳбариятининг Жаҳон банки миссияси экспертлари – коррупцияга қарши курашиш бўйича мутахассис Дмитро Котляр ва маслаҳатчи Мурод Хусанов билан учрашуви бўлиб ўтди.

Учрашув Жаҳон банки томонидан “Ўзбекистонда коррупцияга қарши курашиш борасида институционал салоҳиятни мустаҳкамлаш” лойиҳасини амалга ошириш доирасида ташкил этилди.

Ишчи учрашув давомида экспертлар билан коррупцияга қарши курашиш соҳасида малакали кадрлар тайёрлаш, давлат органлари ва бошқа ташкилотлар ходимларининг коррупцияга қарши курашиш соҳасида малакасини ошириш, республиканинг коррупцияга қарши халқаро рейтинг ва индекслардаги ўрнини яхшилаш ҳамда илмий-амалий тадқиқотларни ташкил этиш ва амалга ошириш бўйича Академия ва Коррупцияга қарши курашиш агентлиги ўртасидаги ҳамкорлик ҳолатлари муҳокама қилинди.