Навбатдаги фан соати бўлиб ўтди

Ўзбекистон Республикаси Ҳуқуқни муҳофаза қилиш академиясида анъанавий фан соати доирасида “Тадқиқот концепцияси, мақсад ва вазифаларини шакллантириш, илмий тадқиқотнинг объекти ва предметини белгилаш” мавзусида маҳорат дарси ўтказилди.

Фан соати доирасида тадқиқот ишида белгиланган мақсад ва вазифалардан келиб чиқиб, тадқиқот мавзуси бўйича мавжуд қонунчилик ҳужжатлари, амалиёт материаллари ҳамда бошқа амалга оширилган илмий ишларни ўрганиш масалалари атрофлича кўриб чиқилди.

Тадқиқотни амалга ошириш тизими, тадқиқотни амалга ошириш йўналиши, асосий ғоялар ҳамда муаммоларни ечимига олиб келувчи йўлларни белгилаб олиш илмий тадқиқотни олиб боришда муҳим эканлиги муҳокама қилинди.

Тадбирда нафақат Академиянинг, шунингдек, Инсон ҳуқуқлари бўйича Ўзбекистон Республикаси Миллий маркази, Ўзбекистон Республикаси Судьялар олий кенгаши ҳузуридаги Судьялар олий мактаби докторант ва мустақил изланувчилари ҳам иштирок этишди ҳамда илмий тадқиқотлари юзасидан қизиқтирган саволларига жавоблар олишди.