Академия вакиллари Ўзбекистон Республикаси Инновацион ривожланиш вазирлиги ҳузуридаги Илмий-техник кенгаш таркибига киритилди

Илмий-тадқиқот фаолиятини олиб бориш Бош прокуратура Академиясининг асосий йўналишларидан биридир.

Академия ташкил этилгандан сўнг, унда салмоқли илмий салоҳият шакллантирилди, илмий ходимлар тайёрлаш, илмий-амалий ва инновацион тадқиқотлар ўтказиш бўйича ишлар ташкил этилди.

Академия профессор-ўқитувчиларининг илмий-амалий салоҳияти ва тажрибаси инобатга олиниб, Ўзбекистон Республикаси Инновацион ривожланиш вазирининг буйруғига асосан, Академиянинг 3 нафар профессор-ўқитувчилари “Иқтисодиёт ва ҳуқуқ фанлари” йўналиши бўйича илмий-техник  кенгаш таркибига киритилди.

Илмий-техник кенгаш – Ўзбекистон Республикаси Инновацион ривожланиш вазирлиги ҳузурида илмий лойиҳаларни илмий экспертизадан ўтказиш мақсадида тегишли фан йўналишлари бўйича соҳага оид олимлар, давлат бошқаруви органлари ва ташкилотларнинг юқори малакали мутахассисларидан шакллантирилган ҳамда жамоатчилик асосида фаолият юритадиган илмий-техник жамоа ҳисобланади.

Жорий йилнинг 6 август куни ZOOM электрон дастури орқали “Иқтисод ва ҳуқуқ фанлари” бўйича Илмий-техник кенгашнинг навбатдаги мажлисида Академия профессор-ўқитувчилар иштирок этдилар. Мажлис кун тартибидаги асосий масала бўйича “Олима аёллар грантлари” ташаббускор амалий-инновацион лойиҳалар танлови доирасида келиб тушган лойиҳаларнинг муҳокамаси бўлиб ўтди. Мамлакатимизнинг етакчи олимлари қаторида Академия профессор-ўқитувчилари ҳам лойиҳаларнинг муҳокамасида фаол иштирок этдилар.

Кенгаш мажлиси адолат ва холислик тамойиллари асосида савол ва жавобларга бой тарзда ўтказилди ҳамда лойиҳалар бўйича тегишли қарорлар қабул қилинди.