Олий таълим, фан ва инновациялар вазирлиги билан ҳамкорлик доирасидаги тадбирлар

Ўзбекистон Республикаси Ҳуқуқни муҳофаза қилиш академиясида Олий таълим, фан ва инновациялар вазирлиги Инновацион ривожланиш агентлиги бошқарма бош мутахассиси, тарих фанлари бўйича фалсафа доктори Э.Г.Раджапов, магистратура тингловчилари, докторантлар ва мустақил изланувчилар иштирокида семинар бўлиб ўтди.

Семинар давомида мамлакатимизда илмий-инновацион салоҳиятни мустаҳкамлаш ва ривожлантириш, олиб борилаётган тадқиқотлар сифати ва самарадорлигини ошириш, шунингдек, мамлакатни ижтимоий-иқтисодий ривожлантиришда илм-фаннинг ролини кучайтиришга қаратилган кенг кўламли ислоҳотлар муҳокама қилинди.

Семинар иштирокчиларига вазирлик томонидан ёш олимлар учун ташкил қилинаётган танловлар, хорижий давлатларда стажировка ўташ ва бошқа лойиҳаларда иштирок этиш шартлари ва тартиби ҳақида батафсил маълумот бериб ўтилди.  

Тадбир конструктив руҳда ўтди, иштирокчилар ўзларини қизиқтирган саволларга жавоб олишди.