Бош прокуратура Академияси лойиҳалари – давлат дастурлари доирасидаги танловларнинг ғолиби

Фундаментал, амалий ва инновацион тадқиқотлар ўтказиш, тизимли асосда илмий-тадқиқот дастурлари ва лойиҳаларини, шу жумладан, миллий, хорижий ва халқаро грантларни жалб қилган ҳолда амалга ошириш Бош прокуратураси Академиясининг устувор вазифаларидан бири ҳисобланади.

Шунга кўра, Бош прокуратура Академияси томонидан “Аҳоли миграциясида рақамли визалар платформасини ишлаб чиқиш” ҳамда “Хавфсиз йўл дастурий таъминотини ишлаб чиқиш” мавзусидаги лойиҳалар тайёрланиб, кўриб чиқиш учун Инновацион ривожланиш вазирлигига тақдим этилди.

Инновацион ривожланиш вазирлигининг жорий йилнинг 4-5 август кунлари бўлиб ўтган навбатдаги Ҳайъати йиғилишида лойиҳалар танловига келиб тушган 15 га яқин инновацион ҳамда амалий лойиҳалар ичидан Бош прокуратураси Академиясининг ушбу иккита лойиҳалари ғолиб деб топилди ҳамда молиялаштиришга тавсия этилди.

Ушбу лойиҳаларнинг амалиётга жорий қилиниши келгусида ушбу соҳаларни инновацион тарзда ривожлантиришга, норматив-ҳуқуқий ҳужжатларини такомиллаштиришга ҳамда бу борадаги фаолиятни ўқув-услубий жиҳатдан таъминлашга хизмат қилади.