Академия магистратураси тингловчилари – “Инсон ҳуқуқлари билимдони” викторинаси ғолиблари

“Инсон ҳуқуқлари ҳафталиги”  доирасида Инсон ҳуқуқлари бўйича Ўзбекистон Республикаси Миллий маркази томонидан  “Инсон ҳуқуқлари билимдони” викторинаси ўтказилди.

Инсон ҳуқуқлари ва эркинликларига оид тест саволларидан иборат викторина онлайн тарзда “Телеграм” мессенджерида ўтказилди. Ҳар бир саволга 15 сония вақт ажратилди.

Викторина якунлари бўйича фахрли 1 ва 2-ўринларни Ўзбекистон Республикаси Ҳуқуқни муҳофаза қилиш академияси магистратураси “Инсон ҳуқуқларига оид халқаро ҳуқуқ” мутахассислиги тингловчилари Ҳумоюн Саломов ва Шоҳжаҳонбек Исмоилов қўлга киритдилар.

Ғолиблар Инсон ҳуқуқлари бўйича Миллий марказга таклиф этилиб, сертификат ва эсдалик совғалар билан тақдирландилар.