Академия талабалари иштирокида маърифий тадбирлар туркуми ташкил этилди

Ўзбекистон Республикаси Ҳуқуқни мухофаза қилиш академияси томонидан талабаларда Ватанга садоқат, мардлик ва жасурлик фазилатларини мустаҳкамлаш мақсадида “Буюк келажагимизни мард ва олижаноб халқимиз билан бирга қурамиз” шиори остида маърифий тадбирлар туркуми ташкил этилди.

Тадбирда Академия раҳбари ўринбосари М.Мамасиддиқов, таркибий тармоқ бошлиқлари Б.Каюмов, А.Одинаев, Б.Баҳромбеков ва Д.Нодировлар ҳамда Академияда таҳсил олаётган барча талабалар иштирок этди.

Тадбирлар доирасида иштирокчиларга мамлакатимизда амалга оширилаётган ислоҳотлар, қонун устуворлиги ва инсон ҳуқуқларига тўлиқ риоя этилишини таъминлашга қаратилган қонунчиликдаги янгиликлар ҳақида атрофлича маълумот берилди.

Тадбир давомида талабалар ўзларига қизиқтирган саволларга батафсил жавоб олдилар.

Бундай тадбирларни етук олимлар, жамоат ва давлат арбоблари, малакали мутахассислар, фахрийлар, адабиёт ва санъат намояндалари иштирокида мунтазам ташкил этиш кўзда тутилган.