Анқара Йилдирим Беязит Университети делегациясининг ташрифи

Анқара Йилдирим Беязит Университети ректори Иброҳим Айдинли бошчилигидаги Туркия делегациясининг Ўзбекистонга ташрифи доирасида 2023 йил 13 март куни Ҳуқуқни муҳофаза қилиш академиясида учрашув ташкил қилинди.

Делегациянинг Академия раҳбарияти ва вакиллари билан учрашуви давомида юриспруденция соҳасида кадрларни тайёрлаш, прокуратура ва тергов соҳаси ходимларининг малакасини ошириш, юридик фанни ривожлантириш масалалари юзасидан ўзаро тажриба алмашинилди.

Хорижий меҳмонлар шунингдек Академия фаолияти, унда рақамли технологияларини қўллаган ҳолда ўқув жараёнининг ташкил этилганлиги, яратилган замонавий таълим инфраструктураси билан яқиндан танишдилар. Хусусан, меҳмонларда чуқур ва яширин Интернет тармоқларида ишлашда ҳуқуқни муҳофаза қилиш органлари ходимларининг амалий кўникмаларини шакллантиришга ҳамда тегишли рақамли далилларни қидириш ва қайд этишга ёрдам берувчи Академиянинг Dark Web ўқув лабораторияси фаолияти алоҳида қизиқиш уйғотди.

Учрашув якунида томонлар академик алмашинув ва кибер ҳуқуқ соҳасида ҳамкорликни янада ривожлантиришга келишишди.