Академия тингловчиси – “Ворислик ҳуқуқи” танлови ғолиби

Ўзбекистон Республикаси Адлия вазирлиги томонидан Ўзбекистон Республикаси Нотариал палатаси билан ҳамкорликда “Ворислик ҳуқуқи” акцияси доирасида совринли танлов ташкил қилинди.

Танловнинг 1-босқичида иштирок этган 3 мингга яқин қатнашчилар орасидан саволларга қисқа вақт ичида энг кўп тўғри жавоб берган 30 нафар иштирокчи электрон тизим орқали аниқланди.

Кейинги босқичда уларнинг ижодий саволларга ёзган жавоблари баҳоланиб, натижаларига кўра 11 нафар иштирокчи танловнинг якуний босқичида қатнашиш имкониятига эга бўлди.

Танловнинг якуний босқичи натижаларига кўра фахрли 1-ўринни  Ўзбекистон Республикаси Ҳуқуқни муҳофаза қилиш академияси магистратурасининг “Прокурорлик фаолияти” мутахассислиги тангловчиси Асадов Азизбек Ахмадович қўлга киритди.

Ғолиб бўлган иштирокчилар Адлия вазирлигига таклиф этилиб, диплом ва эсдалик совғалар билан тақдирландилар.