Стол тенниси бўйича ходимлар ўртасида мусобақа ўтказилди

Ҳуқуқни муҳофаза қилиш академиясида ходимлар касбий салоҳиятини юксалтириш билан бир қаторда, уларнинг соғлом турмуш тарзига риоя қилиш ва спорт билан шуғулланишлари учун шароит яратиш борасида тизимли ишлар олиб борилади.

Мазкур фаолият доирасида Академия профессор-ўқитувчилари ва ходимлари ўртасида стол тенниси бўйича Академия биринчилиги мусобақаси ўтказилди.

Қизғин кечган ўйинлар натижасига кўра, Коррупцияга қарши курашиш илмий-таълим маркази бошлиғи в.б. Турсунбеков Худайберди 1-ўрин, Электрон таълим бўлими прокурори Эшқобилов Сирожиддин 2-ўрин, Ахборот-коммуникация технологиялари ва ахборот хавфсизлигини таъминлаш бўлими прокурори Абдиахатов Жахонгир 3-ўринни қўлга киритдилар.

Бундай мусобақалар спортнинг бошқа турлари бўйича ҳам ўтказилиши режалаштирилган.