Талабалар амалиёти давом этмоқда

2023 йил 23 мартдан Ўзбекистон Республикаси Ҳуқуқни муҳофаза қилиш академияси бакалавриатининг 1-курс талабалари учун ўқув-танишув амалиёти, 2 ва 3-курс талабалари учун иш ўрганиш амалиёти ташкил этилди.

Талабаларнинг доимий яшаш жойи бўйича Тошкент шаҳар ва Тошкент вилояти ички ишлар органларининг ҳуқуқбузарликлар профилактикаси бўлинмаларига тақсимоти амалга оширилиб, бевосита профилактика инспекторлари раҳбарлигида амалиёт ўташни бошладилар.

Мазкур амалиёт талабаларнинг ҳуқуқбузарликлар профилактикаси бўйича назарий билимларини амалий жиҳатдан мустаҳкамлаш, касбий компетенцияларини ривожлантириш, ҳуқуқни қўллаш кўникмасини такомиллаштиришга хизмат қилади.