Европа Кенгашининг Марказий Осиёда қонун устуворлиги дастури гуруҳи билан ҳамкорлик

Ҳуқуқни муҳофаза қилиш академиясида Академия раҳбариятининг Европа Кенгаши дастури вакиллари Ю.Эрдуран ва М.Нахапетян билан учрашуви бўлиб ўтди. 

Учрашув Марказий Осиёда қонун устуворлиги - Шаффофлик даражасини ошириш ва иқтисодий жиноятчиликка қарши курашишга кўмаклашиш дастури (СА ТАЕС) доирасида ташкил этилди.

Учрашув давомида экспертлар Ҳуқуқни муҳофаза қилиш академиясининг тузилмаси ҳамда кадрларни тайёрлаш, қайта тайёрлаш ва уларнинг малакасини ошириш, таълим функцияларини амалга ошириш ва юриспруденция соҳасида илмий-тадқиқот ишларини олиб бориш бўйича асосий фаолият йўналишлари билан яқиндан танишишди.

Томонлар дастур доирасида амалга оширилаётган лойиҳаларнинг ҳозирги ҳолати ҳамда 2023 йилга мўлжалланган тадбирлар режасидаги вазифаларни муҳокама қилдилар.