ЕХҲТнинг Ўзбекистондаги лойиҳалари координатори вазифасини бажарувчи билан учрашув

Ҳуқуқни муҳофаза қилиш академиясида Европада хавфсизлик ва ҳамкорлик ташкилотининг (ЕХҲТ) Ўзбекистондаги лойиҳалари координатори вазифасини бажарувчи Ханс-Ульрих Имнинг Ўзбекистондаги миссияси якунланаётганлиги муносабати билан учрашув бўлиб ўтди.

Томонлар Aкадемия ва ЕХҲТ ўртасида йўлга қўйилган самарали ҳамкорликни қайд этиб, миллий салоҳиятни янада ошириш мақсадида ўзаро манфаатли фаол ҳамкорликни барча йўналишларда давом эттириш муҳимлигини қайд этиб ўтдилар.

Aкадемия раҳбарияти биргаликда амалга оширилган лойиҳалар ва ҳамкорлик алоқаларини ривожлантиришга Ханс-Ульрих Имнинг муносиб ҳисса қўшганини эътироф этиб, бунинг учун чуқур миннатдорчилик билдириб ўтди.