Магистрлик диссертацияларини тайёрлаш бўйича тингловчиларга услубий кўрсатмалар берилди

Академия бошлиғининг илмий ишлар ва инновациялар бўйича ўринбосари, ю.ф.д., проф. М.Мамасиддиқов ҳамда магистратуранинг сиртқи таълим шаклида таҳсил олаётган тингловчилари ўртасида диссертация мавзусини танлаш ва уни тайёрлаш бўйича услубий тавсиялар мавзусида учрашув ташкил этилди.

Тадбирда магистрлик диссертацияси мавзусини танлашнинг аҳамияти тингловчиларга тушунтирилиб, тадқиқот учун тавсия этилган бир қатор мавзуларнинг долзарблиги ва истиқболлари муҳокама қилинди.

Тингловчиларга магистрлик диссертацияси, шунингдек илмий мақола тайёрлаш, муайян соҳаларда илмий тадқиқотни амалга оширишда эътибор қаратилиши лозим бўладиган масалалар юзасидан услубий кўрсатмалар берилди.

Тадбир давомида тингловчилар ўзларини қизиқтирган саволларга батафсил жавоб олдилар.

Магистратура тингловчилари томонидан илмий тадқиқот ишлари сифатли тайёрланишини таъминлаш мақсадида бу каби тадбирлар доимий равишда ташкил этиб борилади.