Академия бакалавриатига қабул бўйича ўқувчилар билан учрашув

Академия бакалавриатига қабул жараёни давом этмоқда. Ўқишга қабул қилиш очиқлик ва шаффофлик принциплари асосида ташкил этилган.

Академия Call-марказига бакалавриатга ҳужжат топширишга доир кўплаб саволлар келмоқда. Бу эса битирувчи ўқувчилар орасида Академияга қизиқиш уйғонганлигини кўрсатмоқда.

Шу муносабат билан, Академия фаолияти, унинг имкониятлари ҳамда бошқа ўқув муассасаларидан афзалликлари тўғрисида тўлиқ маълумотларни етказиш, вужудга келаётган саволларга жавоб бериш мақсадида 2023 йил 2 май куни Академия вакилларининг Миробод туманидаги 60 ва 110-мактабларнинг битирувчи синф ўқувчилари билан учрашуви бўлиб ўтди.

Учрашув давомида иштирокчилар Академия фаолиятига бағишланган видеоролик, бакалавриатга ҳужжат топшириш тартиби, Академия бакалавриатида ўқиш жараёнини ташкил этишга доир масалалар билан танишдилар. Шунингдек, ўқувчилар ўзлари қизиқтирган саволларга тўлиқ жавоб олдилар.

Академия бакалавриатига номзодларни жалб қилиш, қабул жараёнига доир саволларга жавоб бериш мақсадида мазкур турдаги учрашувлар давом эттирилиб, шунингдек Академияда очиқ эшиклар куни ўтказилиши режалаштирилган.