Россия Федерацияси Бош прокуратураси делегациясининг ташрифи

Ўзбекистон Республикаси Ҳуқуқни муҳофаза қилиш академиясига Россия Федерацияси Бош прокуратураси делегацияси ташриф буюрди.

Ташриф давомида меҳмонлар Aкадемиянинг тузилмаси ва асосий фаолият йўналишлари, ўқув жараёнини, шу жумладан, масофавий таълимни ташкил этилиши билан таништирилди.

Шунингдек, делегация вакиллари Академия тингловчилари учун халқаро-ҳуқуқий ҳамкорлик ва экстрадиция, юқори технологиялардан фойдаланган ҳолда содир этилган жиноятларга қарши курашиш, прокуратура органлари фаолиятида ва коррупцияга қарши курашишда замонавий рақамли технологиялардан фойдаланиш масалаларида маърузалар қилди.