Кибержиноятчиликка қариш курашишга бағишланган қурултой

Ҳуқуқни мухофаза қилиш Академияси ва Бош прокуратура делегацияси Туркия Адлия Академияси томонидан Судьялар ва прокурорларни тайёрлаш Туркий тармоғи доирасида Бурса шаҳрида ташкил қилинган кибержиноятчиликка қариш курашишга бағишланган қурултойда иштирок этди.

Тадбир Туркия ҳамкорлик ва мувофиқлаштириш агентлиги (TICA), Туркий давлатлар ташкилоти ва Бурса прокуратураси кўмагида ўтказилди.

Маросим Бурса Бош прокурори Рамазон Солмаз, TICAнинг Ташқи алоқалар ва шериклик бошқармаси бошлиғи Уғур Танели, Туркий давлатлар ташкилоти Бош котиби ёрдамчиси Саъди Жафаров, Туркия Адлия академияси президенти Мухиттин Ўздемирларнинг кириш нутқлари билан очилди.

Қурултойда Судьялар ва прокурорларни тайёрлаш Туркий тармоғи иштирокчилари – Озарбайжон, Қозоғистон, Қирғизистон, Туркия, шунингдек Венгрия ва Шимолий Кипр Турк Республикасининг прокурорлар ва судъяларини тайёрлайдиган 11 та таълим муассасаси (тузилмаси) ҳамда ушбу давлатларнинг ҳуқуқни муҳофаза қилиш органлари вакилларидан иборат 40 нафар иштирокчи қатнашди.

Қурултой доирасида Ҳуқуқни муҳофаза қилиш академияси бошлиғи ўринбосари У.У.Нигмаджанов “Кибержиноятчиликка қарши курашишда ҳуқуқни қўллаш амалиёти" мавзусида маъруза қилди.

Тадбир якунида иштирокчилар ўртасида кибержиноятчиликка қарши кураш бўйича халқаро ва миллий қонунчилик масалалари юзасидан давра суҳбати ўтказилди.

Учрашув якунлари бўйича томонлар ўзаро манфаатли ҳамкорликнинг устувор йўналишларини қайд этдилар.