Божхона органлари суриштирувчилари иштирокидаги малака ошириш курси

Ҳуқуқни муҳофаза қилиш академиясида божхона органлари суриштирувчилари иштирокида “Жиноятларни квалификация қилиш муаммолари” мавзусида малака ошириш курси бўлиб ўтмоқда.

Малака ошириш курси дастуридан контрабанда, божхона тўғрисидаги қонунчиликни бузиш, тамом бўлмаган жиноятларни квалификация қилиш масалалари, иштирокчиликда содир этилган жиноятларни квалификация қилишдаги мавжуд муаммолар, жиноятларни квалификация қилиш билан боғлиқ муаммолар ва уларнинг ечимига оид ўқув машғулотлари ўрин олган.

Шу билан бир қаторда, Академия киберлабораторияси ҳамда  криминалистика полигонидаги ўқув машғулотлари бевосита амалиётга йўналтирилган ҳолда тингловчиларнинг касбий маҳорати ва кўникмаларини оширишга ҳамда назарий билимларини бевосита амалиётда қўллашда муҳим аҳамият касб этади.

Ўқув машғулотлари дастури доирасида назарий ва амалий ўқув машғулотлари билан бир қаторда, маданий тадбирлар, шу жумладан, театрларга ташрифлар назарда тутилган.