“Ўзбекистонда бола ҳуқуқларининг аҳволи: ютуқлар ва муаммолар” мавзусидаги илмий-амалий конференция

2023 йил 30 май куни Академияда Халқаро болаларни ҳимоя қилиш куни ҳамда Инсон ҳуқуқлари умумжаҳон декларацияси қабул қилинганлигининг 75 йиллигига бағишланган "Ўзбекистонда бола ҳуқуқларининг аҳволи: муаммолар ва ютуқлар" мавзусида республика анжумани бўлиб ўтди.

Анжуманда инсон ҳуқуқлари, айниқса, болалар, ёшлар ҳуқуқларини ҳимоя қилиш, болаларга нисбатан зўравонликнинг олдини олиш ва уларга қарши курашиш ҳамда уларнинг одил судловга эришиш соҳасидаги халқаро стандартларни жорий этиш масалалари муҳокама қилинди.

Тадбирда парламент, давлат ва илмий-таълим муассасалари вакиллари, Академиянинг “Инсон ҳуқуқларига оид халқаро ҳуқуқ” йўналишидаги магистратураси тингловчилари, профессор-ўқитувчилари ва докторантлари иштирок этди.

Тадбир давомида Бола ҳуқуқлари бўйича вакил ва Ҳуқуқни муҳофаза қилиш академияси ўртасида болалар ҳуқуқларини юқори даражада таъминлаш ва ҳимоя қилиш соҳасидаги ўзаро ҳамкорлик салоҳиятини мустаҳкамлашга қаратилган ҳамкорлик меморандуми тантанали равишда имзоланди.