“Янгиланган таълим тизими шароитида ўқув жараёнини амалга ошириш асослари” мавзусида семинар-тренинг бўлиб ўтди

Ҳуқуқни муҳофаза қилиш академияси профессор-ўқитувчиларининг педагогик маҳоратини ошириш, таълим жараёнига инновацион технологиялар ва методикаларни жорий этиш борасида тизимли ишлар олиб борилмоқда.

Академия профессор-ўқитувчиларининг салоҳиятини мустаҳкамлашга қаратилган навбатдаги семинар-тренинг “Янгиланган таълим тизими шароитида ўқув жараёнини амалга ошириш асослари” мавзусида Олий таълим, фан ва инновациялар вазирлигининг бош мутахассиси, профессор А.Г.Ходжаев иштирокида ўтказилди.

Тадбирда олий таълим тизимининг жаҳон таълим маконига интеграцияси, олий таълим тизимида амалга оширилаётган ислоҳотларнинг мазмун-моҳияти, янгиланган давлат таълим стандартлари, малака талаблари, ўқув режа ва ўқув дастурлари, кредит-модуль тизимини ўқув жараёнига татбиқ этиш ва бошқа масалалар кўрилди.

Тақдимотдан сўнг мавзу юзасидан савол-жавоб ташкил этилиб, иштирокчиларни қизиқтирган саволларига батафсил жавоб берилди.